понедельник, 31 августа 2015 г.

Moscow - Wathone Moe

မော်စကိုမြို့အကြောင်း ကျွန်မရဲ့ မြန်မာအသံဗွီဒီယိုလေးကို ကြည့်ရှုနားဆင်အားပေးကြပါဦးရှင်... စိတ်ဝင်စားစရာ ကောင်းတယ်ဆိုရင် like & share လုပ်ပေးပါနော် ဒါပေမယ့် ဒေါင်းလုပ်ကူးယူပြီးမှ ပြန်တင်တာမျိုးတော့ မလုပ်ကြပါရန် မေတ္တာရပ်ခံအပ်ပါတယ်ရှင်...

четверг, 23 апреля 2015 г.

ရုရှားနိုင်ငံမှာ မြန်မာဘာသာစကား သင်ယူလေ့လာခြင်း

ရုရှားနိုင်ငံမှာ ပထမဆုံးဖြစ်သော မြန်မာစာဌာနကို ၁၉၅၇ခုနှစ်မှာ ဖွင့်လှစ်ခဲ့ပါတယ်။ အဲဒီအချိန်မှာ ရုရှား-မြန်မာဆက်ဆံရေး တိုးတက်ကောင်းမွန်နေခဲ့ပါတယ်။ နှစ်နိုင်ငံထိပ်တန်းခေါင်းဆောင်တွေအကြား ဆက်သွယ်မှု ခဏခဏ ရှိခဲ့ပါတယ်။ ဒါကြောင့် မြန်မာ-ရုရှား စကားပြန်တွေ လိုအပ်လို့ ၁၉၅၇ မှာ စိန့်ပီတာစဘက် တက္ကသိုလ် (Saint-Petersburg State University /အရင်နာမည်က Leningrad State University) မှာ မြန်မာစာဌာန ဖွင့်ပြီး မြန်မာစကားကို စတင်သင်ကြားခဲ့ပါတယ်။ ပထမဆုံး ကျောင်းသူကျောင်းသားတွေက အခက်အခဲအများကြီးနဲ့ ရင်ဆိုင်ခဲ့ရပါတယ်။ ဘာကြောင့်လဲဆိုတော့ အဲဒီတုန်းက ရုရှားနိုင်ငံမှာ မြန်မာစာအုပ်တွေ၊ အဘိဓါန်တွေ လုံးဝ မရှိသေးလို့ပါ။ ၁၉ ရာစုက အင်္ဂလန်မှာ ထုတ်ဝေခဲ့တဲ့ Burmese grammar ဆိုတဲ့ စာအုပ် တစ်အုပ်ပဲ စာကြည့်တိုက်မှာ ခဏ ငှားပြီး ဖတ်ရှုလို့ရခဲ့ပါတယ်။ နောက်ကျတော့ တခြားနိုင်ငံတွေက စာအုပ်တွေ တဖြည်းဖြည်းနဲ့ မှာဝယ်ခဲ့ပါတယ်။ သူတို့ ရုရှားနိုင်ငံမှာ မြန်မာစကားသင်ပြီးတော့ မြန်မာပြည်မှာလည်း ဆက်လက်လေ့လာခဲ့ကြပါတယ်။
၁၉၅၇ ခုနှစ်က စပြီး ၅နှစ် တစ်ကြိမ် မြန်မာစကား သင်ချင်တဲ့ ကျောင်းသားတွေ ၆-၇ ယောက်ကို ခေါ်ပြီး စာသင်ပေးပါတယ်။ မြန်မာစကားကို ပထမဆုံး လေ့လာသူတွေက ပညာရှင်တွေ၊ ဆရာဆရာမတွေ ဖြစ်ပြီး မြန်မာစာနဲ့ ပတ်သက်တဲ့ စာအုပ်တွေ၊ ဆောင်းပါးတွေ အများကြီး ရေးသားခဲ့ကြပါတယ်။ မြန်မာ-ရုရှားနဲ့ ရုရှား-မြန်မာ အဘိဓါန်တွေကိုလည်း ထုတ်ဝေခဲ့ပါတယ်။
သူတို့ထဲက ဆရာကြီး တစ်ဦးက အခုလက်ရှိ စိန့်ပီတာစဘက်တက္ကသိုလ်မှာ မြန်မာစာကို သင်ပေးနေတဲ့ prof. Yanson (မြန်မာနာမည် - ဦးဥာဏ်) ဖြစ်ပါတယ်။ မြန်မာစကား တော်တော် ကျွမ်းပြီး မြန်မာတစ်ယောက်လို ပီပီသသ ပြောနိုင်ပါတယ်။ ဝေါဟာရ အဓိပ္ပါယ်အပြင် ဖြစ်ပေါ်လာခြင်းသမိုင်းကိုလည်း ရှင်းပြပေးနိုင်ပါတယ်။ ရှေးခေတ်ဗမာစကားကို လေ့လာထားလို့ ကျောက်စာတွေ ဖတ်တတ်ပြီး ဘာသာပြန်ပေးနိုင်ပါတယ်။ ဆရာကြီး ရေးထားတဲ့ ရှေးခေတ်ဗမာစကားအသံထွက်အကြောင်း စာအုပ် ရှိပါတယ်။
နောက် ဆရာကြီး တစ်ဦးက prof. Yanson ရဲ့ တပည့် ဖြစ်ပါတယ်။ သူ့နာမည်က prof. Kasevich ပါ။ ဆရာကြီး Kasevich ကလည်း ကမ္ဘာမှာ နာမည်ကြီးတဲ့ ပညာရှင်တစ်ဦး ဖြစ်ပါတယ်။ သူက သဒ္ဒါနဲ့ phonology ကို ဦးစားပေးပြီး လေ့လာခဲ့ပါတယ်။ ပြီးတော့ ဗုဒ္ဓဘာသာအကြောင်း စာအုပ် ရေးသားပြီး ကျွန်မတို့ကို သင်ပေးခဲ့ပါတယ်။
ကျွန်မလည်း အဲဒီဌာနမှာပဲ မြန်မာစာကို သင်ခဲ့ရပါတယ်။ ကျွန်မတို့ တက္ကသိုလ် စတက်တဲ့အချိန်မှာ ပထမဆုံး ၂လအတွင်း မြန်မာလို ပီအောင် ပြောနိုင်ဖို့အတွက် အသံထွက်ကိုပဲ လေ့လာကြရပါတယ်။ ဆရာကြီးက အသံထွက်နဲ့ စာလုံးပေါင်းသတ်ပုံကို သိပ် အလေးထားလို့ပါ။ ပြီးမှ တခြား ဘာသာရပ်တွေကို ခွဲပြီး သင်ကြားရပါတယ်။
ဘာသာစကား အပိုင်းမှာ မြန်မာသဒ္ဒါ၊ စကားပြော၊ ဝတ္ထု နဲ့ သတင်းစာတွေကို လေ့လာရပါတယ်။ ကျောင်းမှာ မြန်မာလူမျိုး ဆရာ ဆရာမ မရှိလို့ စကားပြော လေ့ကျင့်ရတာတော့ သိပ် အဆင်မပြေပါဘူး။
နောက်ပြီး မြန်မာစာပေအပိုင်းပါ။ ဆရာကြီးဦးဥာဏ်က ပုဂံခေတ်က စပြီး အခုခေတ်အထိ စာပေရဲ့သမိုင်းအကြောင်း ပြောပြပေးပါတယ်။ ရှင်မဟာသိလဝံသာ၊ ရွှေတောင်သီဟသူ၊ ဦးကြင်ဥ၊ ဦးပုည၊ ပီမိုးနင်း၊ သိပံ္ပမောင်ဝ၊ ဇော်ဂျီ၊ သခင်ကိုယ်တော်မှိုင်း စတဲ့ စာရေးဆရာကြီးတွေအကြောင်း လေ့လာခဲ့ရပါတယ်။ ပြီးတော့ ဆရာကြီးက ကျောက်စာတွေကို ရှင်းပြပေးပါတယ်။ ရာဇကုမာရ် မင်းသား ရေးထိုးခဲ့တဲ့ မြစေတီ ကျောက်စာကိုလည်း ဖတ်ပြပေးပါတယ်။ ရှေးခေတ်စာလုံးတွေနဲ့ ရေးထိုးတဲ့ စာတွေကို ဆရာကြီး ဖတ်ပြနိုင်ပေမယ့် ကျွန်မတို့ကျတော့ လိုက်ကြည့်ရတာတောင် တော်တော် ဒုက္ခရောက်ပါတယ်။ ရှေးခေတ်စာလုံးတွေက အခုခေတ် မြန်မာစာလုံးတွေနဲ့ ပုံစံ တော်တော် ကွာလို့ပါ။
တတိယစာသင်နှစ်မှာ လောကနီတိကျမ်းနဲ့ မြန်မာကဗျာတွေ ဖတ်ခဲ့ရပါတယ်။ ကဗျာတွေကတော့ နည်းနည်းလေးပါ။ ၁၀ပုဒ်လောက်ပဲလေ့လာဖြစ်ခဲ့ပါတယ်။ ဒါပေမယ့် ကျွန်မ အရမ်းစိတ်ဝင်စားသွားပါတယ်။ ဆရာကြီး ပထမဆုံး ရှင်းပြပေးတဲ့ကဗျာကို သိပ်သဘောကျလို့ ဖြစ်မှာပါ။ သူတည်းတစ်ယောက် ကောင်းဖို့ရောက်မူ၊ သူတစ်ယောက်မှာ ပျက်လင့်ကာသာ ဓမ္မတာတည်း ဆိုတဲ့ အနန္တသူရိယအမတ်ကြီးရဲ့ ကဗျာပါ။ ကဗျာသမိုင်းက စိတ်ဝင်စားဖို့ ကောင်းပါတယ်။ အဓိပ္ပါယ်လည်း လေးနက်ပါတယ်။ ကဗျာဖွဲ့နည်းလည်း ထူးခြားပါတယ်။ အရမ်းကြိုက်လို့ အလွတ်တောင်မှတ်ထားပါတယ်။ နောက်ထပ် တခြားကဗျာတွေလည်း အများကြီး လေ့လာဖို့ ဆန္ဒရှိပေမယ့် နိုင်ငံခြားသားတစ်ယောက်က မြန်မာကဗျာကို နားလည်နိုင်မှာ မဟုတ်ဘူးဆိုပြီး ကျောင်းမှာ မသင်ပေးတော့ပါဘူး။
ဘာသာစကားနဲ့ စာပေအပြင် မြန်မာယဉ်ကျေးမှု၊ သမိုင်း၊ ဗုဒ္ဓဘာသာနဲ့ တခြားဘာသာရပ်တွေကိုလည်း သင်ပေးသေးပါတယ်။ မြန်မာစာနဲ့ bachelor ဘွဲ့ရဖို့အတွက် စုစုပေါင်း ၄နှစ် စာသင်ရပါတယ်။ နောက်ဆုံးစာသင်နှစ်မှာ မြန်မာသဒ္ဒါ သို့မဟုတ် မြန်မာစာပေနဲ့ ပတ်သက်တဲ့ thesis စာတမ်း ခုခံဖတ်ကြားရပါတယ်။
မော်စကိုတက္ကသိုလ်မှာလည်း မြန်မာစာကို သင်ပေးပါတယ်။ ဒါပေမယ့် သူတို့ အဓိက major က သမိုင်းနဲ့ စီးပွါးရေး ဖြစ်ပါတယ်။ စိန့်ပီတာစဘက်တက္ကသိုလ်မှာတော့ major က philology ဖြစ်တဲ့အတွက် ဘာသာစကားကို ပိုပြီး သေသေချာချာ သင်ပေးပါတယ်။ ဒါကြောင့် ကျွန်မက ဆရာကြီး Yanson နဲ့ Kasevich တို့ရဲ့ တပည့် ဖြစ်ခွင့် ရတဲ့အတွက် သိပ်ကံကောင်းပါတယ်လို့ ပြောလို့ရပါတယ်။ သူတို့ ကျွန်မတို့ကို သင်ပေးခဲ့တဲ့ ဗဟုသုတကို တခြားဘယ်နေရာမှာမှ မရနိုင်တော့ပါဘူး။ ဒီအတွက် ဆရာကြီးတို့ကို အမြဲကျေးဇူးတင်ပါတယ်။

© ဝသုန်မိုး https://www.facebook.com/wathonemoe.ru

среда, 22 октября 2014 г.

ကမ္ဘာ့အရှည်ဆုံး မီးရထားလမ်း



ရုရှားနိုင်ငံက ကမ္ဘာ့အကြီးဆုံးနိုင်ငံ ဖြစ်ပါတယ်။ ဘယ်လောက်ထိ ကြီးသလဲဆိုတော့ ကမ္ဘာ့ရဲ့ ၉ ပုံ တစ်ပုံပါပဲ။ ရုရှားနိုင်ငံရဲ့အရှေ့ပိုင်းကနေ အနောက်ပိုင်းကို သွားချင်တယ်ဆိုရင် လေယာဉ်နဲ့တောင် ၁၁-၁၂ နာရီ ကြာကြာ စီးရမယ်။ အရှေ့ပိုင်းဒေသမှာ မနက်ပဲ ရှိသေးတဲ့အချိန်မှာ အနောက်ပိုင်းမှာ မိုးချုပ်ပြီး ညရောက်ပြီ။
ဒါကြောင့်မို့ ရုရှားနိုင်ငံမှာ အရှေ့ပိုင်းဒေသနဲ့ အနောက်ပိုင်းဒေသတွေကို ဆက်သွယ်ပေးတဲ့ မီးရထားလမ်းက ကမ္ဘာ့အရှည်ဆုံး ဖြစ်ပါတယ်။ အဲဒီမီးရထားလမ်းမှာ ရုရှားမြို့တော် မော်စကိုမြို့ကနေ ဂျပန်နိုင်ငံနားမှာ ရှိတဲ့ ဗလာဒီဗိုစတော့မြို့အထိ ဖြစ်ပါတယ်။ သူ့အရှည်မှာတော့ ကီလိုမီတာ ၉၀၀၀ ကျော် ရှိပါတယ်။ ခရီးစဉ် အစအဆုံးဆိုရင် အချိန် တစ်ပတ်နီးပါး ကြာပါမယ်။
 



© ဝသုန်မိုး https://www.facebook.com/wathonemoe.ru

Yakutiya


 ရုရှားက နိုင်ငံခြားသားအမြင်မှာ အရမ်းအေးတဲ့နိုင်ငံတစ်နိုင်ငံ ဖြစ်ပါတယ်။ ဒီအမြင်က မမှားဘူး ပြောလို့ရပါတယ်။ ဘာကြောင့်လဲဆိုတော့ ကမ္ဘာ့မြောက်ဘက်ခြမ်းရဲ့ အအေးဆုံးဒေသက မြောက်ဝင်ရိုးစွန်း မဟုတ်ဘဲ ရုရှားနိုင်ငံ၊ ယာကူတီယာပြည်နယ် ဖြစ်ပါတယ်။ ၁၈၈၅ ခုနှစ်က verhoyansk ဆိုတဲ့ ရွာမှာ အပူချိန်က သုညအောက် ၆၈ ဒီဂရီ ဆဲလ်စီယပ် ထိ ရှိခဲ့ပါတယ်။ ပုံမှန်တော့ အဲဒီလောက်ထိ မအေးပါဘူး။ သုညအောက် ၅၀ လောက်ပါပဲ။
 
 
ယာကူတီယာပြည်နယ်က ရုရှားနိုင်ငံရဲ့ အရှေ့မြောက်ဘက်မှာ တည်ရှိပြီး အကြီးဆုံး ပြည်နယ်တစ်ခု ဖြစ်ပါတယ်။ အကျယ်အဝန်းက စတုရန်းကီလိုမီတာ ၃၁၀၀ ကျော် ရှိပါတယ်။ အိန္ဒိယနိုင်ငံလောက်ပဲ ကြီးပါတယ်။ ဒါပေမယ့် အဲဒီပြည်နယ်မှာ နေထိုင်ကြတဲ့ လူဦးရေက တစ်သန်းတောင် မပြည့်ဘူး။ 

ယာကူတီယာမှာ ရာသီဥတု ၂မျိုးပဲ ရှိပါတယ်။ ဆောင်းရာသီနဲ့ နွေရာသီ။ ဆောင်းရာသီက တစ်နှစ်မှာ ၇-၉ လ ကြာပါတယ်။ ကျန်တဲ့အချိန်က နွေရာသီ ဖြစ်ပါတယ်။ နွေရာသီက ပူပါတယ်။ ဒါပေမယ့် ခဏလေးပဲ ကြာလို့ မြေအောက် အနက် ၁ မီတာကနေ အနက် ၅၀၀ မီတာအထိ ရှိတဲ့ မြေလွှာတွေက အစဉ်အေးခဲနေပါတယ်။ အဲဒီအေးခဲနေတဲ့မြေထဲမှာ mammoth ဆိုတဲ့ ရှေးဆင်ကြီးရဲ့ အရိုးနဲ့ ရုပ်ကြွင်းတွေကို ခဏခဏ ရှာတွေ့ကြပါတယ်။
 

ယာကူတီယာဆောင်းရာသီမှာ အလွန်အေးပေမယ့် လေတွေ မတိုက်ဘူး။ တောထဲမှာ နှင်းတွေနဲ့ရေခဲနဲ့ ဖုံးထားတဲ့သစ်ပင်တွေက လုံးဝ မတုန်လှုပ်ဘဲ ရှိပါတယ်။ နေရာအားလုံးမှာ ဘာအသံမှ မကြားရဘူး။ သဘာဝ ပတ်ဝန်းကျင် ဆိတ်ငြိမ်နေပါတယ်။ ရေတွေအားလုံး ရေခဲအဖြစ် ပြောင်းပြီး အေးခဲနေပါတယ်။ ကောင်းကင်ကလည်း ရေခဲလို ဖြူနေပါတယ်။ နေက ခဏလေးပဲ ထွက်ပြီး အပူမပေးဘဲနဲ့ ပြန်ဝင်ပါတယ်။


ယာကူတီယာမှာ နေထိုင်ကြတဲ့တိုင်းရင်းသားတို့မှာ ဆောင်းရာသီအကြောင်း ရိုးရာပုံပြင် ရှိပါတယ်။ အဲဒီပုံပြင်မှာ ဆောင်းရာသီဆိုတာ အရမ်းဆိုးတဲ့ နွာကြီး တစ်ကောင် ဖြစ်ပါတယ်။ နွားကြီးက အဖြူနဲ့ အပြာနုရောင် ဖြစ်ပြီး အရမ်းရှည်တဲ့ချို ရှိပါတယ်။ သူ အသက်ရှူတာကြောင့် ရေခဲတွေ ဖြစ်သွားတယ်။ ဖေဖေါ်ဝါရီလ ကုန်ရင် ရာသီဥတု နည်းနည်း ပူလာလို့ နွားကြီးရဲ့ ချိုတစ်ခု ပြုတ်ကျသွားပါတယ်။ မတ်လ ရောက်ရင် နောက်တစ်ခု ပြုတ်ကျသွားပါတယ်။ နောက်ပြီးတော့ မိုးချုန်းသံကြီးနဲ့အတူ နွားကြီးရဲ့ ခေါင်းပါပြုတ်ကျသွားပြီး နွားကြီး သေသွားပါတယ်။ နွားကြီး သေမှ နွေရာသီ ရောက်တော့မယ်လို့ ယူဆကြပါတယ်။
 
 
သူတို့ ယုံကြည်တာမှာ နေရာအားလုံး ဝိညာဉ်ရှိပါတယ်။ အဲဒါကြောင့် ရေမသောက်ခင် မြေဝိညာဉ်ကို ရေတိုက်ကြပါတယ်။ မီးကို ကျွေးကြပါတယ်။ ခရီးသွားရင် သစ်ပင်ဝိညာဉ်အောက်မှာ လိုအပ်တဲ့ ပစ္စည်းတစ်ခုခု ထားကြပါတယ်။ မဟုတ်ရင် ဒုက္ခရောက်မယ်လို့ ထင်ကြပါတယ်။
 
ယာကူတီယာက လူတွေ အများဆုံး နေတဲ့ဒေသတွေနဲ့ တော်တော် ဝေးလို့ ၁၇ ရာစုကမှ ရုရှားနိုင်ငံမှာ ပြည်နယ်အဖြစ် စတင်ပါဝင်ပါတယ်။ ဘုရင်ခေတ်တုန်းက ယာကူတီယာကို တော်လှန်ရေးသမားတွေကို နှင်ထုတ်ခဲ့ပါတယ်။ ၂၀ ရာစုက ယာကူတီယာမှာ စိန်နဲ့ ရွှေ ရှာတွေ့ပြီး အခု ရုရှားထုတ်တဲ့ စိန်မှာ ၉၀ ရာခိုင်နှုန်း ယာကူတီယာမှ ရခဲ့ပါတယ်။ ယာကူတီယာမှာ အခုအချိန်ထိ လူတွေ လုံးဝ မရောက်ဖူးတဲ့ဒေသတွေ ကျန်သေးပါတယ်။ သဘာဝပတ်ဝန်းကျင် လှပပြီး ယာကူတီယာမှာ ရှိတဲ့ Lena မြစ်ရဲ့တောင်များက ယူနက်စကို World Heritage စာရင်းထဲမှာတောင် ပါဝင်ပါတယ်။ 
 

 ရုရှားအအေးကို မကြောက်ဘူးဆိုရင် ယာကူတီယာကို အလည်သွားဖို့ ဖိတ်ခေါ်ပါတယ်ရှင်။
 

© ဝသုန်မိုး https://www.facebook.com/wathonemoe.ru

вторник, 29 июля 2014 г.

*** ရုရှား soup ***

ရုရှားတွေက soup ကို နေ့လည်စာပဲ သောက်ကြပါတယ်။ ( ရုရှားလို ပြောမယ်ဆိုရင် soup ကို ''စားတယ်''။ )
soup ထဲ နို့ဆီ ထည့်ပြီး ပေါင်းမုန့် အညိုရောင်နဲ့ စားကြပါတယ်။
ရုရှား soup အမျိုးမျိုး ရှိပါတယ်။ နာမည်အကြီးဆုံးက борщ "ဘောရှ်" ဖြစ်ပါတယ်။ အရသာက ချဉ်ပါတယ်။ ဘောရ်ှရဲ့အရောင် နည်းနည်း ထူးဆန်းပါတယ်။ ဘာကြောင့်လဲဆိုတော့ အထဲမှာ မုန့်လာဥနီလိုမျိုး beet ဆိုတဲ့ ဟင်းသီးဟင်းရွက် အနီရောင် ပါပါတယ်။
 
 ဘောရ်ှချက်နည်းတွေ အများကြီး ရှိပါတယ်။ အလွယ်ဆုံးကိုပဲ ပြောပြပါမယ်။ ပထမဆုံး အမဲသားကို ၁နာရီလောက် ပြုတ်ပါတယ်။ အမဲသား အဆင်သင့်ဖြစ်ပြီဆိုရင် beet ၊ အာလူး၊ မုန့်လာဥနီ၊ ကြက်သွန်နီ လှီးပြီး ၅မိနစ်လောက် ကြော်ပါတယ်။ ကြော်ပြီးသောအခါ အမဲသားရေထဲကို ထည့်ပါတယ်။ နောက်ထပ် မိနစ် ၂၀လောက် ပြုတ်ရင် စားလို့ရပါပြီ။ 

အစားအစာနဲ့ ပတ်သက်တဲ့ ရုရှားစကားပုံတစ်ခု ရှိပါတယ်။ ငါတို့အစားအစာက ရှီနဲ့ ကားရှာပါလို့။
တကယ်တော့ ဘောရ်ှက ယူကရိန်း ရိုးရာ soup ဖြစ်ပါတယ်။ ရုရှား ရိုးရာ soup ကတော့ ရှီဆိုတာပါပဲ။
ရှီကို အသားနဲ့ ဂေါ်ဖီ ၊ အာလူး၊ မုန့်လာဥနီ၊ အခြားဟင်းသီးဟင်းရွက်တွေနဲ့ ချက်ပြုတ်ပါတယ်။ ဂေါ်ဖီအစိမ်း ပါတယ်ဆိုရင် ရှီ ရိုးရိုးပဲ ဖြစ်ပါတယ်။ ဂေါ်ဖီအချဉ် ထည့်ရင် ရှီအချဉ် ဖြစ်ပါတယ်။ 
 

© ဝသုန်မိုး https://www.facebook.com/wathonemoe.ru

တောအိမ်ဝယ်ရတဲ့ ဓလေ့

ရာသီဥတု တဖြည်းဖြည်း ပူလာရင် ရုရှား အများစုဟာ ရုံးပိတ်ရက်တွေမှာ ဓါးချာဆိုတဲ့ တောအိမ်တွေဆီကို သွားနေလေ့ရှိပါတယ်။ သူတို့ ရွာသူရွာသားတွေ မလို့ မဟုတ်ပါဘူး။ အဲဒီတောအိမ်တွေကလည်း သူတို့ရဲ့အမြဲနေထိုင်တဲ့အိမ်တွေ မဟုတ်ပါဘူး။ နွေရာသီမှာ အေးအေးဆေးဆေး အနားယူဖို့နဲ့ အပင်တွေ စိုက်ဖို့ သက်သက်ပါပဲ။ မြို့ထဲမှာ အမြဲနေထိုင်တဲ့ရုရှားတွေထဲက ၆၀ ရာခိုင်နှုန်း ဓါးချာ ရှိကြပါတယ်။ ရုရှားနွေရာသီမှာ (ဇွန်လ ၁ရက်နေ့က စပြီး သြဂုတ်လ ၃၁ရက်နေ့ထိ) ကျောင်းပိတ်ရက်တွေ ဖြစ်ပါတယ်။ ကလေးတွေ မြို့မှာ ဘာလုပ်စရာမှ မရှိတော့လို့ သူတို့ကို အလုပ်မလုပ်တဲ့အမေနဲ့ ဒါမှ မဟုတ်ရင် အဖိုးအဖွားတွေနဲ့ တောအိမ်ကို ပို့ထားကြပါတယ်။ မိဘတွေ အလုပ်ရှိရင် တောကို စနေ တနင်္ဂနွေပဲ လာကြပါတယ်။ ပုံမှန်ဆိုရင် တောအိမ်က မြို့နဲ့ သိပ်မဝေးတဲ့နေရာမှာပဲ ရှိပါတယ်။ ကီလိုမီတာ ၅၀ နီးပါး ဝေးပါတယ်။
တောအိမ်ဝယ်ရတဲ့ ဓလေ့က ၁၈ - ၁၉ ရာစုမှ စတင်ပါတယ်။ အဲဒီတုန်းက မြို့တော်ဟာ ရုရှားမြောက်ဘက်ပိုင်းမှာ ဖြစ်ခဲ့ပါတယ်။ အဲဒီနေရာမှာ သဘာဝပတ်ဝန်းချင် သိပ်မကောင်းပါဘူး။ မြို့ မတည်ဆောက်ခင်တုန်းက ရွှံ့နွံမြေတွေပဲ ရှိခဲ့ပါတယ်။ ရာသီဥတုလည်း ဆိုးဝါးပါတယ်။ နေသာတဲ့ရက်တွေ နည်းပြီး မိုး ခဏခဏ ရွာပါတယ်။ နွေရာသီမှာ နေမဝင်တဲ့ညတွေ ရှိပေမယ့် ဆောင်းရာသီမှာ နေမထွက်သလို တနေ့ကုန်နီးပါး မှောင်နေတယ်။ နောက်ပြီး ပင်လယ်နဲ့ နီးပြီး လေတွေ တအားတိုက်လို့ မြစ်က တခါတလေ ရေကြီးတတ်ပါတယ်။ လူကြီးတွေ အဲဒီလိုမျိုး ဆိုးဝါးတဲ့ ဒေသမှာ မနေချင်ကြလို့ သူတို့ ကျေနပ်အောင် ဘုရင်က မြို့နားမှာ ရှိတဲ့မြေတွေကို လက်ဆောင်အနေနဲ့ ပေးလိုက်ပါတယ်။ ဘုရင်တွေကလည်း ဆောင်းရာသီနန်းတော်နဲ့ နွေရာသီနန်းတော်တွေ တည်ဆောက်ပြီးနေပါတယ်။ တဖြည်းဖြည်းနဲ့ နွေရာသီ တောထဲမှာ အနားယူရတာ တော်တော် ခေတ်စားလာပါတယ်။ အဲဒါကြောင့် ပိုက်ဆံချမ်းသာတဲ့လူတွေကလည်း မြို့ အပြင်မှာ တောအိမ်တွေ ဝယ်ခဲ့ကြပါတယ်။ မဝယ်နိုင်တဲ့သူတွေက ငှားပြီး နေကြပါတယ်။ နွေရာသီ မြို့ထဲမှာ ဘယ်သူမှ မနေချင်တော့ဘူး။ ဆောင်းဦးရာသီ ရောက်ရင် တောအိမ်တွေကို ထားပြီးတော့ အားလုံး မြို့ကို ပြန်သွားကြပါတယ်။
၁၉၁၇ ခုနှစ် တော်လှန်ရေးကြောင့် အစိုးရ ပြောင်းလဲပါတယ်။ ဘုရင်တွေကို သတ်ပစ်လိုက်ပါတယ်။ သူဌေးတွေက နိုင်ငံခြား ထွက်ပြေးကြပါတယ်။ အရင်တုန်းက ကိုယ်ပိုင်မြေတွေ၊ အိမ်တွေ အားလုံး အစိုးရပိုင် ဖြစ်သွားပါတယ်။ အစိုးရ အသစ်က အဲဒီမြေတွေကို အစိုးရဝန်တမ်းတွေ၊ အရာရှိတွေကြားမှာ မျှဝေပေးပါတယ်။ တစ်ယောက်စီ စတုရန်းမီတာ ၆၀၀ မပိုရဘူး။ မြေကို ရလာတဲ့လူတွေက အဲဒီမြေပေါ်မှာ နွေရာသီ ရောက်ရင် အသီးတွေ စိုက်ကြပါတယ်။ ဘာကြောင့် လဲဆိုတော့ နိုင်ငံမှာ အဆုံးမရှိတဲ့စစ်တွေကြောင့် စားစရာ ပြဿနာ ရှိခဲ့ပါတယ်။ ၁၉၉၁ ခုနှစ်မှာ အစိုးရ နောက်တစ်ကြိမ် ပြောင်းလဲသွားလို့ အရင်သတ်မှတ်ချက်တွေ မရှိတော့ဘူး။ လူတိုင်း ငွေရှိရင် ကြိုက်သလောက် မြေဝယ်နိုင်ပါတယ်။ ဒါပေမယ့် နွေရာသီ ပိတ်ရက်တွေမှာ တောထဲ အနားသွားယူတဲ့ ဓလေ့က အခုထိ မပျောက်သေးပါဘူး။

© ဝသုန်မိုး https://www.facebook.com/wathonemoe.ru

суббота, 28 июня 2014 г.

Kalmyk လူမျိုး


ရုရှားနိုင်ငံမှာ ရှိတဲ့ တိုင်းရင်းသား ၁၉၄ မျိုးထဲက Kalmyk လူမျိုးတွေက တိဗက်ဗုဒ္ဓဘာသာကို ကိုးကွယ်ယုံကြည်ကြပါတယ်။



သူတို့တွေက မွန်ဂိုး အနွယ်ဝင်တွေ ဖြစ်ပြီး ၁၇ ရာစု နှစ်ဦးက တရုတ်ဘက်ကနေ ရုရှားနိုင်ငံတွင်းကို ဝင်လာခဲ့ပါတယ်။ ဒါပေမယ့် ရုရှားအစိုးရနဲ့ အဆင်မပြေတာတွေကြောင့် ၁၇၇၁ ခုနှစ်မှာ Kalmyk တွေထဲက တစ်ဝက်နီးပါးက တရုတ်နိုင်ငံကို ပြန်လည်ပြောင်းရွှေ့နေထိုင်ခဲ့ပါတယ်။ နောက်တစ်ဝက်က ရုရှားနိုင်ငံရဲ့ အနောက်တောင်ဘက်မှာ ကျန်ခဲ့ပါတယ်။ အခု သူတို့တွေ နေတဲ့ဒေသက Kalmykia ပြည်နယ် ဖြစ်ပါတယ်။

မျိုးနွယ်ဝင်လူဦးရေက ၁၈၃ ၀၀၀ နီးပါး ရှိပါတယ်။ 

Kalmykia ပြည်နယ်မှာ သစ်တော မရှိသလောက် နည်းပါတယ်။ မြက်ခင်းနဲ့ သဲကန္တာရဒေသ ဖြစ်ပါတယ်။
 Kalmyk တွေက ဓလေ့ထုံးစံအတိုင်း အမြဲနေထိုင်ဖို့ အိမ်တွေ မဆောက်လုပ်ကြခဲ့ဘူး။ yurta ဆိုတဲ့ မွန်ဂိုးယာယီအိမ်နဲ့  အဆင်ပြေတဲ့နေရာကို ခဏခဏ ပြောင်းရွှေ့ခဲ့ကြပါတယ်။ သူတို့ အဓိက ရိုးရာအလုပ်အကိုင်မှာ သိုး၊ မြင်း၊ နွား စသည့် တိရစ္ဆာန် မွေးခြင်းနဲ့ အမဲလိုက်ခြင်း ဖြစ်ပါတယ်။ ကလေးတွေ ငယ်ငယ်တုန်းကစပြီး မိဘတွေကို ကူညီပေးကြပါတယ်။ သူတို့ကို အသက် ၃နှစ် ပြည့်ရင် မြင်းစီးတတ်အောင် သင်ပေးကြပါတယ်။ အဓိက အစားအစာမှာ အသားနဲ့ နွားနို့၊ မြင်းနို့ ဖြစ်ပါတယ်။ သိုးသား၊ အမဲသားနဲ့ ဟင်းတွေချက်စားကြပါတယ်။ နွားနို့၊ မြင်းနို့နဲ့ ဒိန်ချဉ်၊ ဒိန်ခဲ အမျိုးမျိုးနဲ့ အရက် လုပ်ကြပါတယ်။


၂၀ ရာစုမှာ ရုရှားနိုင်ငံမှာ တော်လှန်ရေးဖြစ်ပြီး ဆိုဗီယက်ဆိုရှယ်လစ်အစိုးရက kalmyk တွေကို  အိမ် ပြောင်းရွှေ့ခွင့်မပေးတော့ဘူး။ အမြဲနေထိုင်အိမ်တွေကိုသာ ဆောက်လုပ်ခိုင်းပါတယ်။ ဂျုံစပါးစိုက်လုပ်ခိုင်းပါတယ်။ ပြီးတော့ kalmyk ဘာသာစကားကို  ရုရှားအက္ခရာနဲ့ ရေးခိုင်းပါတယ်။ အဲဒီလိုမျိုး ပြောင်းလဲမှုတွေကြောင့် အခု kalmyk ယဉ်ကျေးမှုနဲ့ ဘာသာစကား တဖြည်းဖြည်း ပျောက်ကွယ်သွားပါတယ်။





© ဝသုန်မိုး https://www.facebook.com/wathonemoe.ru